Ayuntamiento de Gaintza

Gipuzkoako Aldizkari Ofiziala

146. zenbakia Data 1999-08-03 12181 orria

--------------------------------------------------------------------------------
7 UDAL ADMINISTRAZIOA
GAINTZAKO UDALA
1999ko urtarrilaren 1etik aurrerako zabor bilketa zerbitzuaren tasari buruzko ordenantza
--------------------------------------------------------------------------------

GAINTZAKO UDALA

Iragarkia

Udal batzarraren 1999ko martxoaren 22ko bileran hartutako behin-behineko erabakia jendeaurrean jartzeko epea amaitu denez inolako erreklamaziorik aurkeztu gabe, Gipuzkoako Toki Ogasunei buruzko uztailaren 5eko 11/1989 Foru Arauan ezarritakoari jarraiki behin betiko bihurtzen da ondoko erabakia:



«A) Onartzea 1999ko urtarrilaren 1etik aurrerako ondorioekin, udal zaborbilketa zerbitzua prestatzeagatik tasak ezartzea, ondorengo atalean adierazten den ordenantza fiskaleko XI. eranskinean adierazten diren tarifa eta aplikaziorako arauen arabera.

B) Onartzea, 1999ko urtarrilaren 1etik aurrerako ondorioekin, zerbitzu publikoak eskeini eta iharduerak burutzeagatik udalerri honetan indarrean dagoen ordenantza arautzailea aldatzea, XI. Eranskinean ondorengoa ezarriz:

Probetxamendu mota:

Zabor bilketa zerbitzua.

Tarifak:

Etxebizitza bakoitzeko: 6.000 pezeta urteko.

Taberna eta antzekoak: 12.000 pezeta urteko.

Tasak aplikatzeko arauak:

Urtean bi zatitan kobratuko dira tasa hauek; hots:%50 a ekainean eta beste %50 a abenduan».

Eta horren berri ematen da dagozkion ondorioetarako. Bestetik, administrazio-bidea amaitzen duen egintza horren aurka administrazioarekiko auzi-errekurtsoa aurkez daiteke EAEko Auzitegi Nagusiko administrazioarekiko auzitarako sailean bi hilabeteko epean, iragarki argitaratu eta biharamunetik hasita, administrazioarekiko auziak arautzen dituen uztailaren 13ko 29/1998 Legearen 8. eta 46. artikuluan ezarritakoaren arabera, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legea aldatu zuen urtarrilaren 13ko 4/1999 Legearen 109.c) artikuluarekin bat etorriz.


Nolanahi ere, nahi izanez gero, aurreko idatz-zatian adierazitako administrazioarekiko auzi-errekurtsoaren aurretik, berraztertzeko errekurtsoa aurkez daiteke ebazpena eman duen organoari hilabeteko epean, iragarki hau Gipuzkoako Aldizkari Ofizialean argitaratu eta biharamunetik hasita.


Horren kalterik gabe, interesatuek jarri ahal izango dute, hala nahi badute eta bide kontentzioso administratiboa hartu aurretik, Gipuzkoako Auzitegi Ekonomiko Administratiboaren aurreko erreklamazioa, horretarako hilabeteko epea dutelarik, argitalpen hau Gipuzkoako Aldizkari Ofizialean argitaratzen den egunaren biharamonetik hasita.

Hori guztia, aurretik adierazitako urtarrilaren 13ko 4/1999 Legearen 116. eta 117. artikulu eta kidekoetan ezarritakoarekin bat etorriz, bakoitzaren eskubideak babesteko egoki irizten diren egintza edo errekurtsoak aurkezteari kalterik egin gabe.

Gaintza, 1999ko uztailaren 16a.—Ignazio Jabier Garmendia Arruabarrena.

(137) (7761)