Ayuntamiento de Gaintza

Gipuzkoako Aldizkari Ofiziala

239. zenbakia Data 2009-12-17 59 orria

--------------------------------------------------------------------------------
7 Udal Administrazioa
GAINTZAKO UDALA
2010eko ORDENANTZA FISKALAK. Behin betiko onarpena.
--------------------------------------------------------------------------------

GAINTZAKO UDALA

Iragarkia

Jendaurrean jar­tzeko arauzko epea amaitu eta haren aurka inolako erreklamazio edo oharpenik aurkeztu ez denez, behin-betiko­tzat onartuta geratu da Udalba­tza­rrak 2009ko urriaren 19ko bileran hartutako erabakia, honen eranskinean adierazten diren Ordenan­tza Fiskalen aldaketak, 2010. urteko urtarrilaren 1etik aurrerako ondorioekin.

Guzti hori, Gipuzkoako Toki Ogasunak erregula­tzen duen uztailaren 5eko 11/1989 Foru Arauaren 16.4 artikuluak agindutakoa betez argitara­tzen da, guztion jakinerako eta artikulu horretan aurrikusten diren gainerako ondorioetarako.

Erabaki honen aurka, interesatuek administrazioarekiko auzi errekur­tsoa aurkeztu ahal izango dute Donostian egoi­tza duen Administrazioarekiko Auzietarako Epaitegiaren aurrean, bera Gipuzkoako Aldizkari Ofizialean argitaratu eta hurrengo egunetik hasita bi hilabeteko epean.

Horren kalterik gabe, interesatuek jarri ahal izango dute, hala nahi badute eta bide konten­tzioso administratiboa hartu aurretik, Gipuzkoako Auzitegi Ekonomiko Administratiboaren aurreko erreklamazioa, horretarako hilabeteko epea dutelarik argitalpen hau Gipuzkoako Aldizkari Ofizialean argitarazten den egunaren biharamunetik hasita.

Gain­tza, 2009ko abenduaren 10a.—Ignacio Javier Garmen­dia Arruabarrena, Alkatea. (14642)

ERANSKINA

A) ALDAKETAK

1. ZERGAK

1.1. ‑TRAKZIO MEKANIKOZKO IBILGAILUEN GAINEKO ZERGA ARAU­TZEN DUEN ORDENAN­TZA

TARIFAK ETA KOEFIZIENTEA

Ibilgailuaren potentzia eta mota Tarifak (€)

a) Ibilgailuak:

9 zaldi fiskaletik beherakoak ......................... 21,85

9tik 11,99 zaldi fiskalera bitartekoak .............. 43,75

12tik 13,99 zaldi fiskalera bitartekoak ............ 73,00

14tik 15,99 zaldi fiskalera bitartekoak ............ 102,15

16tik 19,99 zaldi fiskalera bitartekoak............. 131,30

20 zaldi fiskaletik gorakoak............................ 160,50

b) Autobusak:

21 plaza baino ­gutxiagokoak ......................... 101,10

21etik 50 plazatara bitartekoak ...................... 144,00

50 plaza baino gehiagokoak .......................... 180,05

c) Kamioiak:

1.000 kg.tik beherako karga erabilgarria dutenak 51,35

1.000tik 2.999 kg.ra bitarteko karga erabilgarria dute-nak 101,10

2.999tik 9.999 kg.ra bitarteko karga erabilgarria dute-nak 144,00

9.999 kg.tik gorako karga erabilgarria dutenak 180,05

d) Traktoreak:

16 zaldi fiskal baino ­gutxiagokoak .................. 21,45

16tik 25 zaldi fiskalera bitartekoak ................. 33,70

25 zaldi fiskal baino gehiagokoak ................... 101,10

e) Trakzio mekanikozko ibilgailuek arrastran era-mandako atoi eta erdi atoiak:

1.000 baino ­gutxiagoko eta 750 kg. baino gehiagokokarga erabilgarria dutenak 21,45

1.000tik 2.999 kg.ra bitarteko karga erabilgarria dutenak 33,70

2.999 kg.tik gorako karga erabilgarria dutenak 101,10

f) Bestelako ibilgailuak:

Ziklomotoreak ............................................. 5,40

125 cc.ra bitarteko motozikletak .................... 5,40

125 cc.tik 250 cc.ra bitarteko motozikletak .... 9,20

250 cc.tik 500 cc.ra bitarteko motozikletak .... 18,40

500 cc.tik 1.000 cc.ra bitarteko motozikletak .. 36,80

1.000 cc.tik gorako motozikletak ................... 73,55

1.2. ‑ERAIKUN­TZA, INSTALAZIO ETA OBREN GAINEKO ZERGA ARAU­TZEN DUEN ORDENAN­TZA

TARIFA

B.1.1. Eraikun­tza berriak (babes ofizialeko etxe­bizi­tzak salbu): %3,20.

B.1.2. Babes ofizialeko etxe­bizi­tza berriak: %1,60.



1.3. ‑ONDASUN HIGIEZINEN GAINEKO ZERGAREN ORDENAN­TZA ERREGULA­TZAILEA

Landa lur izaerako Ondasun higiezinen zergari aplikagarri izango zaion karga tasa: Ehuneko 0,6000.

1.4. ‑HIRI LURREN BALIO GEHIKUN­TZA­REN GAINEKO ZERGA ARAU­TZEN DUEN ORDENAN­TZA



Honako testua izango du.

I. XEDAPEN OROKORRAK

1. artikulua.

Lurralde historikoko toki-ogasunak arau­tzen dituen foru-arauak eta zergaren foru-arau zeha­tzak araututakoari jarraiki, hiri-lurren balio-gehikun­tza­ren gaineko zerga ezar­tzen eta bil­tzen du udal honek, ordenan­tza honek araututakoa betez. Ordenan­tza honen zati da bere eranskina, aplikagarri diren ehunekoen eta tarifen taula jaso­tzen duena.



2. artikulua.

Udalerri osoan aplika­tzen da ordenan­tza.

II. ZERGA-EGITATEA

3. artikulua.

1. Hiri-izaerako lursailen batek izan dezakeen balio gehikun­tza da zerga egitatea, lursailaren jabe­tza edozein tituluren bidez transmiti­tzen denean edo haren gainean jabe­tza muga­tzen duen edozein gozamen-eskubide erreal era­tzen edo transmiti­tzen denean, gehikun­tza hori ageri jar­tzen bada.

2. Zergaren eragin-esparruan, hiri-lurrak izango dira:



Hiri-lurzorua; urbanizagarria; urbanizagarri programatua; urbanizagarri programatu gabea, hari eragiten dion hirigin­tza-jarduerako programa bat onar­tzen denetik aurrera; bide zolatuak edo espaloi zintarriak dituzten lurrak, horrez gain, estolderiak, ur hornidura, argindar-hornidura eta argiteria publikoa badute; eta hiri-izaerako eraikinek okupatutako lurrak.



Hiri-lur izango dira, halaber, nekazari­tza-legediak araututakoa urratuz zatitutako lurrak; betiere, zatiketa horrek haren nekazari­tza-erabilera desi­txura­tzen badu; hala ere, horrek ez du lur horien landa-izaera alda­tzen, zerga honen aplikaziotik kanpora.

III. ZERGARI EZ LOTUAK

4. artikulua.

1. Ez dira zerga honi lotuko landa-lurrek izandako balio-gehikun­tzak.

2. Zerga honen eragin-esparruan, landa-ondasun higiezinak izango dira: Aurreko artikuluko 2. epigrafeak hiri-lur­tzat ­jotzen ez dituen lurrak.



IV. SALBUESPENAK

5. artikulua.

1. Balio-gehikun­tza­ren gaineko zerga hau ordain­tze­tik salbue­tsita izango dira per­tsona eta entitate hauek:



a) Estatua, Euskal Autonomia Erkidegoa, lurralde historikoko administrazioa eta horien erakunde autonomiadunak, administrazio-izaerakoak.

b) Udalerria, udalerriko toki-entitateak eta udalerria kide­tzat duten toki entitateak eta horien guztien erakunde autonomiadunak, administrazio-izaerakoak.

c) Ongin­tzako edo ongin­tza eta irakaskun­tzako sailkapena duten erakundeak.

d) Gizarte Seguran­tzako entitate kudea­tzaileak eta legediari jarraituz eratutako mutualitateak eta montepioak.



e) Nazioarteko itun edo hitzar­menetan salbuespena aitortu zaien per­tsona eta entitateak.

f) ­Itzuli beharreko emakida administratiboen titularrak, emakidak uki­tzen dituen lurrei dagokienez.

g) Guru­tze Gorria eta ­antzeko entitateak, lurralde historikoko administrazioak hala xeda­tzen duenean.

2. Halaber, zerga ordain­tze­tik salbue­tsita izango dira honako ekin­tza hauen ondorioz gertatutako balio-gehikun­tzak:



a) Ezkon­tza-sozietateari egindako ekarpenak.

b) Ondasun higiezinak ezkontideen artean eskualda­tzea eta eslei­tzea, ondasunak eta eskubideak ezkon­tza-sozietatera ekar­tzen badituzte eta haien ondasun komunak ekar­tzen badituzte.

c) Ezkontideek ondasun higiezinak eskualda­tzea seme-alaben alde, ezkon­tza­ren deuseztasuna, banan­tzea eta dibor­tzioa erabaki­tzen duten senten­tziak bete­tzeko.



d) Zor-eskubideak era­tzea eta eskualda­tzea.



V. SUBJEKTU PASIBOAK

6. artikulua.

Zergaren subjektu pasibo dira:

a) Lurren transmisioetan edo irabazi gisaz jabe­tza muga­tzen duten gozamen-eskubide errealen eraketa edo transmisioetan, lursaila eskura­tzen duen per­tsona edo eskubide erreala era­tzen zaion edo transmiti­tzen zaion per­tsona.

b) Lurren transmisioetan edo jabe­tza muga­tzen duten kostubidezko gozamen-eskubide errealak eratu edo eskualda­tzean, lursailaren transmiti­tzailea edo eskubide erreala era­tzen duen edo transmiti­tzen duen per­tsona.

VI. ZERGA-OINARRIA

7. artikulua.

1. Hiri-lurrek zergaren sor­tza­pen unean eta gehienez hogei urteko epealdian izandako balio-gehikun­tza erreala da zerga honen zerga-oinarria.



2. Gehikun­tza errealaren zenbatekoa zehazteko, Erans­kinean jasotako eskalan adierazitako ehunekoa aplikatuko zaio lursailak zergaren sor­tza­pen-unean duen balioari.

3. Artikulu honetako bigarren epigrafeak adierazitako ehunekoa zehazteko, arau hauek aplikatuko dira:

Lehena: Zergak karga­tzen duen eragiketa bakoi­tza­ren balio-gehikun­tza artikulu honetako 2. zenbakian finkatutako urteko ehunekoaren arabera zehaztuko da;gehikun­tza agerian egon den urte-kopurua bil­tzen duen epealdirako izango da ehuneko hori.

Bigarrena: Sor­tza­pen-unean lurraren balioaren gain aplikatu beharreko ehunekoa hau izango da: Kasu konkretu bakoi­tzari aplikagarri zaion urteko ehuneko balio-gehikun­tza agerian egon den urte-kopuruaz biderka­tze­tik atera­tzen dena.



Hirugarrena: Lehen arauarekin bat eragiketa jakin bakoi­tzari aplikagarri zaion ehunekoa zehazteko eta bigarren arauarekin bat aipatutako urteko ehunekoa biderkatu beharreko urte-kopurua zehazteko, balio-gehikun­tza agerian egon den aldia osa­tzen duten urte osoak baino ez dira izango kontuan; hala ere, aipatutakoaren eraginetarako, aldi horretako urteen zatikiak ez dira kontuan izango.

8. artikulua.

Lursailen eskualdaketak gertatuz gero, zergaren sor­tza­pen-uneko balioa izango da ondasun higiezinen gaineko zergaren baitan halako­tzat ­jotzen dena.

9. artikulua.

1. Jabe­tza muga­tzen duten gozamen-eskubide errealak era­tzean eta eskualda­tzean, Eranskinean ager­tzen diren urteko ehunekoak aurreko 7. artikuluan definitutako atalaren gain aplikatuko dira. Hark, Ondare Transmisio eta Egin­tza Jurídiko Dokumentatuen gaineko Zergaren ondorioetarako finkatutako arauen aplikazio bidez kalkulatutako eskubideen balioa adierazten du.

2. Eraikin edo lursail baten gainean solairu bat edo gehiago eraiki­tzeko eskubidea edo eraikun­tza-lurraren azpian egiteko eskubidea era­tzean edo transmiti­tzean gainazalean ondasun-eskubiderik sortu gabe, urteko ehunekoen taula aplikatuko da 7.artikuluan definitutako balioaren gain, transmisio-eskrituran finkatutako propor­tzionalitate moduluari erreparatuta. Halakorik ez balego, lur gainean edo lur azpian eraiki­tze­koak diren solairuen azalera edo bolumenaren eta haiek eraiki ondorengo azalera edo bolumen osoaren arteko propor­tzioa ezar­tze­tik atera­tzen den propor­tzionalitatea.

3. Nahitaezko desjabe­tze­rik gerta­tzen bada, urteko ehunekoen taula aplikatuko zaio (Eranskinean jasoa), lursailaren balioari dagokion balio justuaren zatiari.

VII. ZERGA-KUOTA

10. artikulua.

Zerga-oinarriari Eranskinean adierazitako zerga-tasa aplikatuta lortuko da zerga-kuota.

VIII. ZERGAREN SOR­TZA­PENA

11. artikulua.

1. Zerga ordain­tzeko betebeharra sortuko da:

a) Lurraren jabe­tza doan edo kostubidez eskualda­tzen denean, bizien artean edo herio­tza­gatik, transmisio-egunean.



Jabe­tza muga­tzen duen edozein gozamen-eskubide erreal era­tzen edo eskualda­tzen denean, eraketa edo transmisioa gerta­tzen den egunean.

Hauek izango dira, aurreko epigrafeen baitan, transmisio-datak:

a) Bizien arteko egin­tza edo kontratuetan, agiri publikoa ematen denekoa eta, dokumentu pribatuak badira, haiek erregistro publikoan inskriba­tzen direnekoa edo duen ofizioagatik fun­tzionario publiko bati ematen zaionekoa.

b) Herio­tza­gatiko eskualdaketetan, herio­tza-eguna.



2. Ebazpen judizial edo administratibo irmoaz lurraren eskualdaketa edo haren gaineko gozameneko ondasun-eskubidearen eraketa edo eskualdaketaren egin­tza edo kontratuaren deuseztasuna, deuseztapena edo iraungipena gertatu dela aitortu izan bada, subjektu pasiboak ordaindu duen zergaren itzul­keta eskubidea izango du; betiere, egin­tza edo kontratu horrek irabazpiderik eman ez badio eta itzul­keta ebazpena irmo hartu zenetik bost urteko epearen barruan eskatu izan badu. Interesatuek Kode Zibilaren 1295 artikuluak aipa­tzen dituen elkarrekiko itzul­ketak egin behar dituztenean, irabazpidea dagoela iri­tziko da. Nahiz eta egin­tzak edo kontratuak irabazpiderik sorrarazi ez, deuseztapena edo iraungipena zergaren subjektu pasiboak dituen betebeharrak ez bete­tze­aren ondorio izan bada, itzul­ketarik ez da izango.



3. Kontratua kontratugileen adostasunez gera­tzen bada eraginik gabe, ez da ordaindutako zerga itzu­liko, eta tributuak ordaindu behar dituen egin­tza berri­tzat hartuko da. Bat etor­tzea kon­tzi­liazio-ekitaldian iri­tziko da.



4. Baldin­tza­ren bat duten egin­tza edo kontratuetan, haien kalifikazioa Kode Zibileko aginduen arabera egingo da. Etendurazkoa balitz, zerga ez litza­teke likidatuko harik eta hura bete arte. Baldin­tza deuseztapenezkoa balitz, zerga galdatu egingo litza­teke noski; eta baldin­tza bete­tzean aurreko ataleko arauari jarraituz egingo litza­teke itzul­keta.



IX. KUDEAKETA

12. artikulua.

Zergagatik dagokien aitorpena udal-administrazioan aurkeztu beharra daukate subjektu pasiboek. Aitorpena udal-administrazioak berak eskainiko duen ereduan egingo da. Aitorpenean, kuota ezar­tzeko beharrezko eta ezinbesteko diren datuak eta zerga zerrendako elementuak azalduko dira. Aipatu kuotaren ordainketa aitorpena aurkezten den une berean ordaindu beharko da.

13. artikulua.

Hurrengo lerroetan adierazitako epeetan aurkeztu beharko da aitorpena eta hark adierazitako kuota ordaindu. Zergaren sor­tza­pen-datatik aurrera zenbatuko da epea.

a) Bizien arteko egin­tzen ondorio bada, 30 egun balioduneko epea izango da.

b) Herio­tza­gatiko egin­tzak izanez gero, sei hileko epea izango da, baina urtebeteraino luza daiteke, subjektu pasiboak hala eska­tzen badu.

14. artikulua.

1. Deklarazioarekin batera, ezinbestean aurkeztu beharko da zergaezarpenaren sorrerako egin­tzen edo kontratuen agiriak, behar bezala kautotuak.

2. Agiri bidez kreditatu beharko dira, halaber, eskatutako salbuespen edo hobari oro.

15. artikulua.

Udal-administrazioak interesdunei errekeritu ahal izango die Zergaren likidazioa buru­tzeko beharrezko irizten dituen agiriak aurkez ditza­ten hogeita hamar eguneko epean (interesatuak eskaturik beste hamabost egun luza daitekeelarik aipatu epealdia). Eskatutako dokumentuak beharrezkoak badira aitorpena egiazta­tzeko, egindako errekerimenduei jarritako epeen barnean ez eran­tzu­teak zerga-urraketa eta dagokion san­tzioa dakar­tza. Esandako agiri horiek interesatuak berak (bere onurarako bakarrik) alegaturiko gorabeherak egiazta­tzeko direnean, errekerimenduari ez eran­tzu­teak, likidazioa egiaztatu gabeko alegazioak kontutan hartu gabe egitea ekarriko du.



16. artikulua.

12. artikuluak xedatutakoa bete­tze­koa izanda, honako per­tsona hauek subjektu pasiboen epe berdinetan jakinarazi beharko diote udal-administrazioari zerga-egitatea gertatu izana:

a) Ordenan­tza fiskal honen 6. artikuluko a) letran jasotako egoeretan, dohain­tza-egileak edo eskubide erreala eskualda­tzen duen per­tso­nak, negozio juridikoa bizien artean egin bada.



b) Ordenan­tza fiskal honen 6. artikuluko a) letran jasotako egoeretan, eskura­tzaileak edo eskubide errealaren eraketaren edo eskualdaketaren har­tzaileak.



17. artikulua.

Era berean, notarioen eginbeharra da udal-administrazioaren eskuetan jar­tzea urteko hiruhileko lehen hamabostaldian, aurreko hiruhilekoan baimendu dituzten agiri guztien zerrenda edo indize laburtua, hain zuzen ere udalerrian zerga honen zerga egitatea gauzatu izana adierazten duten egin­tza, egitate edo negozio juridikoak jaso­tzen dituztenena, azken nahiaren egin­tzak izan ezik. Epe berean, notarioek udal administrazioaren eskuetan jarri behar dute honako zerrenda hau: Sinadurak ezagu­tzeko edo legitima­tzeko aurkeztu zaizkien egin­tza, egitate edo negozio juridikoak jaso­tzen dituzten dokumentu pribatuena. Artikulu hau Lurralde Historikoko Zerga Arau Orokorrean xedatua dagoen lankide­tzazko eginbehar orokorraren kalterik gabe ulertu behar da.



18. artikulua.

1. Aitortu izan ez zaizkion zerga-egitateak gertatu izanaren berri badu udal administrazioak, 13. artikuluan aipa­tzen diren epeen barruan, interesatuei errekerimendua egingo die aitorpena egin dezaten, zerga-urraketa adierazteko eta, hala balitz, dagozkien zehapenak ezar­tzeko aukerari ­eutsiz.



2. Udal-administrazioak aipatu errekerimenduak bideratu eta interesatuek dagokien aitorpena aurkezten ez badute, ofiziozko espedientea izapidetuko da, administrazioak eskura dituen datuekin. Era berean, dagokion likidazioa egingo da, eta, balegokio, bidezko baliabideen adierazpen eta sarrerak egiteko epeak jarriko dira, egindako edo egin daitezkeen zerga-urraketa adierazteko eta ondoriozko zehapenak ezar­tzeko aukerari ­eutsiz.

19. artikulua.

Ezingo da Jabe­tza Erregistroan inskribatu lursailen eskualdaketako eta gainerako agiririk, aurretiaz ez bada kredita­tzen zerga hau ordaindu dela edo kuoten ordainketa geroratu dela.



20. artikulua.

Zerga-alorreko Foru Arau Orokorrak xedatutakoa beteko da ordenan­tza honek araututako zerga kita­tzeko, bil­tzeko eta ikuska­tzeko, bai eta zerga-arauen urraketak kalifika­tzeko eta horiei dagokien zehapenak erabaki­tzeko ere.



X. XEDAPEN GEHIGARRIA

9.1 artikuluan xedatutakoaren ondorioetarako eta Ondare Transmisio eta Ekin­tza Juridiko Dokumentatuei buruzko Zerga onesten duen Foru Arauak indarrean dirauen bitartean, honako arau hauek bete beharko dira:

1.

a) Aldi baterako gozamenaren balioa ondasunen balioaren propor­tzioan egingo da, urtebeteko epealdiko ehuneko bia, ehuneko hirurogeita hamarra gainditu gabe.

b) Bizi arteko gozamen-eskubideen kasuan, balioa ondasunen balio osoaren %70ekoa dela iri­tziko da gozamendunak 20 urte baino ­gutxiago baditu, eta hori gutxi­tuz joango da adina handituz doan heinean urte bakoi­tzeko ehuneko 1eko propor­tzioan, balio osoaren ehuneko 10eko mugarekin.

c) Per­tsona juridikoen alde eratutako gozamen-eskubideetan, 30 urtetik gorako epe baterako edo epe zehaztugaberako era­tzen badira gozamenak, sun­tsiarazpen-baldin­tza­peko jabe­tza osoaren eskualdaketa­tzat joko dira.

2. Jabe­tza soileko lursailaren balioa gozamenaren balioaren eta ondasunen balio osoaren arteko kendura izango da. Aldi baterako diren biziarteko gozamenetan jabe­tza soila balora­tzeko, aurreko bat zenbakiko arauetatik balio ­gutxien ematen diona aplikatuko da.

3. Erabilera eta bizitoki eskubide errealen balioa ezar­tzeko, aldi baterako gozamen edo gozamen biziartekoen –kasua zein den– balorazioari dagozkion arauak horiek ezarriak izan zireneko ondasunen balioaren %75ari aplikatuko zaizkio

XI. AZKEN XEDAPENA

Udalba­tzak 2009ko urriaren 19ko bilkuran onartu zuen ordenan­tza fiskal hau eta bere eranskina, eta 2010ko urtarrilaren 1ean jarriko da indarrean. Indarrean iraungo du harik eta hura alda­tzea edo indargabe­tzea erabaki­tzen den arte.



ERANSKINA

Bilkura-data: 2009ko urriaren 19a.

I. POR­TZEN­TAI TAULA

Aldia Urteko %

a) 1etik 5 urtera .......................................... 3,1

b) 10 urte arte ............................................ 2,8

c) 15 urte arte............................................. 2,7

d) 20 urte arte ............................................ 2,7

II. TARIFA
ZERGA-TASA

%32,50.

2. ZERBI­TZU PUBLIKOENGATIKO ETA JARDUERENGATIKO TASAK ARAU­TZEKO
ORDENAN­TZA

2.1. ‑HONDAKIN SOLIDOAK JASOTZEKO, TRATATZEKO ETA APROBETXATU EDO DESUSEZTATZEKO ZERBITZUA

TARIFAK

€/seihilabe.

Etxe­bizi­tzak (­hutsik daudena barne) .............. 45,00

Tabernak, jate­txeak, elkarteak, aterpe­txeak, eta abar. 90,00

2.2. ‑UDAL HILERRIKO ZERBITZUEN ETA EMAKIDENGATIKO TASA

10 urteko eskubidea (Aurrez ordaindua dutenak salbu): 300,00 €.

Plakaren grabazio lanak udalak egingo ditu eta kobratuko ditu.

Gipuzkoako Aldizkari Ofiziala

244. zenbakia Data 2009-12-28 124 orria

--------------------------------------------------------------------------------
7 Udal Administrazioa
GAINTZAKO UDALA
BEHIN BETIKO ONARPENA: 2010 ordenantza fiskalak. Akats zuzenketa (GAO 239 zk. 2009-12-17).
--------------------------------------------------------------------------------

GAINTZAKO UDALA

Akats zuzenketa

2009ko abenduaren 17an, 239 zenbakian, Gipuzkoako Aldizkari Ofizialean argitaratu den iragarkian, Gain­tzako ordenan­tza fiskalen 2010erako aldaketak behin betirako onar­tze­arenean, aka­tsak ikusi dira:




Aka­tsak honako hauek dira.

— Iragarkiak esaten du:

1. Erabaki honen aurka, interesatuek administrazioarekiko auzi errekur­tsoa aurkeztu ahal izango dute Donostian egoi­tza duen Administrazioarekiko Auzietarako Epaitegiaren aurrean, bera Gipuzkoako Aldizkari Ofizialean argitaratu eta hurrengo egunetik hasita bi hilabeteko epean.

2. Hiri lurren balio gehikun­tza­ren gaineko zerga arau­tzen duen ordenan­tza.

II. Tarifa: Zerga-tasa: %32,50.

— Zuzenduta honela geldi­tzen dira:

1. Goiko pasarte horretan aipatu den Foru Agindu horretako 18.1 artikuluiarekin bat, tipo, kuota, tarifa eta Ordenan­tzak irmotu eta alda­tzen dituzten erabakien kontra, administrazioarekiko auzi-errekur­tsoa tarteratu ahal izango du interesa duen edonork Euskal Herriko Auzitegi Nagusiaren Areto egokian, aipatu erabakiak Gipuzkoako Aldizkari Ofizialean argitaratu eta hurrengo lanegunetik konta­tzen hasita bi hilabeteko epearen barruan.

2. Hiri lurren balio gehikun­tza­ren gaineko zerga arau­tzen duen ordenan­tza.

Tarifa: Zerga-tasa: %10,00.

Gain­tza, 2009ko abenduaren 17a.—Ignacio Javier Garmen­dia Arruabarrena, Alkatea.

(121) (14944)