Ayuntamiento de Gaintza

Gipuzkoako Aldizkari Ofiziala

247. zenbakia Data 2006-12-30 29429 orria

--------------------------------------------------------------------------------
7 UDAL ADMINISTRAZIOA
GAINTZAKO UDALA
Sasieta Mankomunitateko estatutuak. Behin betiko onespena.
--------------------------------------------------------------------------------

GAINTZAKO UDALA

Iragarkia

Informazio publikoko epea, inolako erreklamazio edo iradokizunik aurkeztu gabe igaro ondoren, behin betiko onartu­tzat ­jotzen da, Udalba­tza­rrak 2006ko abuztuaren 24an egindako Osoko Bilkuran hartutako behin behineko erabakia, Sasieta Mankomunitateko Estatutu Proiektuaren onespenari buruzkoa.



Apirilaren 2ko 7/1985 Toki Erregimeneko Oinarriak Arau­tzen dituen Legeak 70.2 artikuluan xedatutakoarekin bat etorriz, jarraian onartutako Estatutuen testu osoa argitara­tzen da:



SASIETA MANKOMUNITATEAREN
ESTATUTU-PROIEKTUA

1. artikulua.

1. Gipuzkoako lurralde historikoko ­Altzaga, Arama, Ataun, Beasain, Ezkio-­Itsaso, Gain­tza, Gabiria, Idiazabal, Itsa­sondo, Lazkao, Legazpi, Legorreta, Mutiloa, Olaberria, Ordizia, Ormaiztegi, Segura, Urre­txu, Zaldibia, Zegama, Zerain eta Zumarragako udalerriak honako xede hauek dituen borondatezko mankomunitatean elkartu dira:

a) Xede nagusi gisa, hiri-hondakinak kudea­tzea, hots, horiek bil­tzea, biltegira­tzea, garraia­tzea, baliaraztea eta ezaba­tzea, jarduera horiek zain­tzea eta hondakinak bota­tzen edo isur­tzen diren lekuak ­itxi ondoren zain­tzea eta, orobat, jarduera horiek guztiak finan­tza­tzeko tasa homogeneoak ezar­tzea, kudea­tzea, bil­tzea eta ikuska­tzea.

b) Xede osagarri gisa, Udalba­tzak hartutako erabakiaren bitartez berariaz eska­tzen duten udalerrietan, xede nagusiarekin zerikusirik ez duten beste zerbi­tzu publiko hauetakoren bat, ­batzuk edo denak ematea: Kaleak eta estoldak garbi­tzea eta hirial­tza­riak manten­tzea. Kasu horietan, zerbi­tzuaren finan­tza­tze osoa eska­tzaileen konturakoa izango da eta zerbi­tzua emateak ez du inolaz ere suposatuko Sasieta Mankomunitateko plantila handi­tzea.

2. Adierazitako xedeek zerbi­tzuak berak egitea zein horretarako beharrezkoak diren eraikinak eta instalazioak eraiki­tzea eta erostea hartuko dute beren baitan.

3. Erakundeak Beasaingo Martina Maiz kaleko 3. zenbakiko etxa­bean du legezko egoi­tza.

4. Bere eskumeneko zerbi­tzuak egiteko, Sasieta Manko­munitateari Toki Araubidearen Oinarriak arau­tzen dituen apirilaren 2ko 7/1985 Legearen 4. artikuluaren 1. atalean adierazitako ahalmenak dagozkio.

2. artikulua.

1. Mankomunitatearen gobernua eta administrazioa honako organo hauen esku daude:

— Zuzendari­tza-batzor­dea.

— ­Batzorde betearazlea.

— Lehendakaria.

— Lehendakariordea.

2. Zuzendari­tza-batzor­dea 5.000 biztanle baino ­gutxiagoko udalerrietako ordezkari banak eta 5.000 biztanle baino gehiagoko udalerrietako bina ordezkarik osa­tzen dute. Ordezkariak udal bakoi­tzeko udalba­tza­ren erabakiz izendatuko dituzte eta beren ordezkari­tza udala berri­tzen denean amaituko da, edo lehenago, izendapena baliogabe­tzen bada edo ordezkariak uko egiten badio edo udalba­tzako kide izateari uzten badio.

3. Beste horrenbeste ordezko izendatuko dira, titularren batek uko eginez gero, udalba­tzako kide izateari ­utzi, bere izendapena baliogabetu edo joaterik ez duenean edo gaixorik baldin badago (alderdi horiek ida­tziz justifikatu ondoren) haren ordez jardun dezaten. Ordezkapena organo kolegiatuaren kideen fun­tzio generikoetara bakarrik iri­tsiko da, ez lehendakariaren edo lehendakariordearen berariazko fun­tzioetara edo ordezkatutakoan bil litekeen beste edozeinetara.

4. Kide diren udalak osorik berri­tzen direnean, horiek mankomunitatean dituzten ordezkariek behin-behinean jarraituko dute mankomunitatearen zuzendari­tza-organo berriak eratu artean.

5. Lehendakaria batzor­deak izendatuko du bere kideen artean. Era berean, lehendakariaren postua bete gabe dagoenean, hura gaixorik dagoenean edo ez dagoenean ordezkatuko duen lehendakariordea izendatuko da. Izendapenak ­batzorde bakoi­tza era­tzean egingo dira, eta edozein unetan kargu horiek batzor­dearen agintaldia amaitu baino lehen bete gabe gera­tze badira. Bi karguak (lehendakaria eta lehendakariordea) ezin izango dituzte bete udalba­tza edo udalerri bereko ordezkariek. Bi karguak aldi berean bete gabe egongo balira, lehendakari lanetan behin-behinean jardungo luke zuzendari­tza-batzor­deko kiderik zaharrenak eta adinez hurrengoak beteko luke lehendakariordearen kargua, betiere goian adierazitako salbuespena betez.

6. Udalba­tzak berritu ondorengo bi hilabeteetan mankomunitateko organo berriek eratuta geratu beharko dute. Horretarako, behin-behineko lehendakariak mankomunitateko kide diren udalba­tzek izendatutako ordezkariei zuzendari­tza-batzor­dearen ohiz kanpoko bilkurarako deialdia egingo die, nahiz eta udalba­tza berria eratu ez delako ordezkari horiek oraindik ere izendatu gabe egon.



3. artikulua.

Zuzendari­tza-batzor­deak honako aginpide hauek ditu:

1. Estatutuak alda­tzea, toki araudiaren arabera.



2. Mankomunitatea desegitea, toki araudiaren arabera.



3. Mankomunitateko kideak onar­tzea eta bereiztea.



4. Kreditu-eragiketak tokiko legerian ezarritako baldin­tze­tan onar­tzea.

5. Zerga alorreko baliabide propioak zehaztea; aurrekontuak onar­tzea eta alda­tzea; bere eskumeneko gastuak xeda­tzea eta kontuak onar­tzea; hori guztia Toki Ogasunak arau­tzen dituen Legean xedatutakoarekin bat etorriz.



6. Langile-zerrenda eta lanpostuen zerrenda onar­tzea, fun­tzionarioen ordainsari osagarri finkoen eta aldizkakoen zenbatekoa finka­tzea eta behin-behineko langileen kopurua eta araubidea zehaztea.

7. Araudi organikoa eta ordenan­tzak onar­tzea.

8. Ondasunak eta eskubideak erostea eta ondarea besteren­tzea, tokiko legerian ezarritako baldin­tze­tan.



9. Administrazio-ekin­tzak eta judizialak erabil­tzea eta mankomunitatea zuzendari­tza-batzor­dearen eskumeneko gaietan defenda­tzea.

10. Mankomunitateko kide diren udalerriek eta beste administrazio publiko ­batzuek egindako eskumen-eskuorde­tzeak onar­tzea.

11. Gobernu-organoak kontrola­tzea eta fiskaliza­tzea.

12. Zerbi­tzuak kudea­tzeko erak onar­tzea.

13. Beste toki-erakunde ­batzuei eta gainerako administrazio publikoei eskumen-gatazkak plantea­tzea.

14. Mankomunitatearen ekin­tzak kaltegarri­tzat ­jotzea.



15. Jabari publikoko ondasunen kalifikazio juridikoa alda­tzea.

16. Mota guztietako kontratazioak eta emakidak gauza­tzea eta obra eta zerbi­tzuen proiektuak onar­tzea, horiek kontrata­tzeko edo emateko eskumena duenean, tokiko legerian ezarritako baldin­tze­tan.

17. Beste erakunde eta organo kolegiatu ­batzuetarako mankomunitatearen ordezkariak izenda­tzea.

18. Udalerrietan onar­tzeko gehiengo berezia eska­tzen dutelako udalba­tzari dagozkion beste aginpide guztiak.



19. Legeek udalba­tzari espresuki ematen dizkioten gainerako aginpideak.

4. artikulua.

Batzor­dea honela bilduko da:

a) Ohiko bilkuran ­gutxienez sei hilez behin, eta lehendakariak egingo du deialdia.

b) Ohiz kanpoko bilkuran, lehendakariak deituta, ­gutxienez zuzendari­tza-batzor­deko kideen laurdenek ida­tziz eskaturik, edo zuzendari­tza-batzor­dearen nahiz ­batzorde betearazlearen erabakiz deituta.

c) Deialdia ­gutxienez bost astegun lehenago egingo da ohiko bilkuretarako eta astegun bat lehenago ohiz kanpokoetarako.

5. artikulua.

1. Bilkurek balioa izan dezaten, kideen zuzenbideko kopuruaren erdia gehi bateko quoruma lortu beharko da. Nahitaezkoa izango da lehendakaria edo legezko ordezkoa eta idazkaria edo legezko ordezkoa bertara­tzea.

2. Bilkurarako deialdian ohartaraziko da lehen deialdian quoruma lor­tzen ez bada bilkura bigarren deialdian egingo dela handik ordu erdira.

3. Erabakiak bertaratutako kideen gehiengo soil bidez hartuko dira. Berdinketarik izanez gero, bozketa bilkura berean errepikatuko da eta berdinketak jarrai­tzen badu, lehendakariaren kalitateko botoak erabakiko du.

4. Batzor­deko kideen legezko kopuruaren gehiengo osoaren aldeko botoa beharko da honako gai hauetan erabakiak har­tzeko:

— Mankomunitatea alda­tzea edo desegitea eta estatutuak alda­tzea.

— Mankomunitateko kideak onar­tzea eta bereiztea.



— Kreditu-eragiketak tokiko legerian ezarritako baldin­tze­tan onar­tzea.

— Barne-araudia edo araudi organikoa onar­tzea eta alda­tzea.

— Ondasunak tokiko legerian ezarritako baldin­tze­tan besteren­tzea.

— Fun­tzioak edo jarduerak beste administrazio publikoetara alda­tzea, eta beste administrazio ­batzuek egindako kudea­tzeko eskuorde­tzeak edo gomendioak onar­tzea, Legeak nahitaez ezar­tzen dituenean izan ezik.

— Dagokion zerbi­tzua kudea­tzeko era zeha­tza onar­tzea.



— Jabari publikoko ondasunen kalifikazio juridikoa alda­tzea.

— Ondasunak eta zerbi­tzuak tokiko legerian ezarritako baldin­tze­tan ematea.

— Legeak zehazten dituen gainerakoak.

6. artikulua.

Idazkariaren eta kontuhar­tzaile/diruzainaren karguak gaikun­tza nazionaleko fun­tzionarioek beteko dituzte, baina Mankomunitatearen zerbi­tzuen bolumena eta baliabideak kon­tsi­deratuz, dagokion organismoari Mankomunitatean lanpostu horiek manten­tzeko beharra salbuestea eskatuko zaio.

7. artikulua.

1. ­Batzorde betearazlea 5 ordezkarik osatuko dute; horietariko bi lehendakaria eta lehendakariordea izango dira eta beti egongo da Beasaingo Udalaren ordezkari bat, udalerri horretan kokatuko baita zabortegi kontrolatua.



2. Gainerako lau ordezkariak osa­tzeko honako barruti hauetan ordezkari bana hautatuko da:

— Ataun, Ordizia, Lazkao.

— Zumarraga, Urre­txu, Legazpi, Ezkioi­tsaso, Gabiria, Ormaiztegi.

— Olaberria, Segura, Zegama, Zerain, Mutiloa, Idiazabal.

— Zaldibia, Itsa­sondo, ­Altzaga, Legorreta, Gain­tza, Arama.

8. artikulua.

1. ­Batzorde betearazlea lehendakariaren ekimenez edo bere kideek eskatuta bilduko da.

2. Bilkuretarako deialdiak egiteko eta bilkurek balioa izan dezaten, 4. eta 5. artikuluetan adierazitako irizpide berberei jarraituko zaie.

9. artikulua.

­Batzorde betearazleari honako aginpide hauek dagozkio:



Zuzendari­tza-batzor­deak eskuorde­tzen dizkionak (Estatutu hauen 5-3. artikulukoak izan ezik), lehendakariak eskuorde­tzen dizkionak eta, batez ere, zuzendari­tza-batzor­deak hartutako erabakiak betearaztea eta horien jarraipena egitea.

10. artikulua.

Lehendakariari honako aginpide hauek dagozkio:

1. Mankomunitatearen gobernua eta administrazioa zuzen­tzea.

2. Mankomunitatea ordezka­tzea.

3. Zuzendari­tza-batzor­derako eta ­batzorde betearazlerako deialdia egitea eta horietan lehendakari lanetan jardutea, eta berdinketak kalitateko botoarekin ebaztea.

4. Zerbi­tzu eta obra mankomunatuak zuzen­tzea, ikuska­tzea eta bul­tza­tzea.

5. Kudeaketa ekonomikoa onartutako aurrekontuaren arabera gara­tzea, gastuak bere eskumenaren mugen barruan xeda­tzea eta kreditu-eragiketak itun­tzea. Hori guztia tokiko legerian ezarritako baldin­tze­tan.

6. Aurrekontuen eta ordenan­tzen proiektuak eta horien aldaketak idaztea.

7. Bere kabuz eta bere ardurapean har­tzea mankomunitatearen gaiek behar dituzten presako neurriak, zuzendari­tza-batzor­deari lehen bilkuran horien berri emanez eta, kasuaren garran­tziak hala eskatuko balu, ohiz kanpoko bilkurarako deialdia egitea erabakiz.

8. Enplegu publikoaren eskain­tza zuzendari­tza-batzor­deak onartutako aurrekontuaren eta langile-zerrendaren arabera onar­tzea, langileak hauta­tzeko probetarako eta lanpostuak horni­tzeko lehiaketetarako oinarriak onar­tzea eta finkoak eta aldizkakoak ez diren ordainsari osagarriak bana­tzea.

9. Mankomunitateko langile guztien goi-buruzagi­tza bete­tzea eta horien izendapena eta zigorrak erabaki­tzea, fun­tzionarioak zerbi­tzu­tik bereiztea eta lan-kontratuko langileak kalera­tzea barne, zuzendari­tza-batzor­deari horren berri emanez, azken bi kasu horietan, batzor­deak egiten duen lehen bilkuran. Aginpide hau Toki Araubidearen Oinarriak arau­tzen dituen Legearen 99.1. eta 3. artikuluetan xedatutakoaren kalterik gabe ulertuko da.

10. Administrazio-ekin­tzak eta judizialak erabil­tzea eta mankomunitatea bere eskumeneko gaietan eta, presako kasuetan, zuzendari­tza-batzor­dearen eskumeneko gaietan defenda­tzea. Azken kasu horretan zuzendari­tza-batzor­deari horren berri emango dio egiten duen lehen bilkuran, erabakitakoa berrets dezan.

11. Lehendakari­tza­ren eskumeneko gaietan kaltegarri­tzat ­jotzea zuzendari­tza-batzor­deari proposa­tzeko ekimena.



12. Mota guztietako kontratazioak eta emakidak gauza­tzea, tokiko legerian ezarritako baldin­tze­tan.

13. Obra eta zerbi­tzuen proiektuak onar­tzea, horiek kontrata­tzeko edo emateko eskumena duenean eta aurrekontuan aurreikusita daudenean.

14. Ondasunak eta eskubideak erostea eta ondarea besteren­tzea, tokiko legerian ezarritako baldin­tze­tan.



15. Mankomunitatearen gobernu-organoen erabakiak argitara­tzeko agin­tzea, horiek bete­tzea eta betearaztea.

16. Bere agintari­tzari desobedi­tzeko hutse­giteak edo ordenan­tze­tako arau-hausteen ondoriozkoak zigor­tzea, ahalmen hori beste organo ­batzuen eskuetan dagoenean izan ezik.

17. Legeek ematen dizkioten gainerako aginpideak.

11. artikulua.

Lehendakariordeari dagokio lehendakaria ez dagoenean, gaixorik dagoenean edo ezinduta dagoenean bere fun­tzio guztietan ordezka­tzea eta lehendakariaren kargua bete gabe dagoenean haren fun­tzioak bete­tzea.

12. artikulua.

Mankomunitateak urtero onartuko du bere aurrekontua, hots, gehienez ere aitor daitezkeen obligazioen eta mugaeguna duten edo aurreikuspenen arabera dagokien ekitaldi ekonomikoan gauzatuko diren eskubideen adierazpen zifratu bateratua eta sistematikoa. Aurrekontua urte naturalarekin bat etorriko da.



13. artikulua.

Mankomunitatearen baliabide ekonomikoak honakoak izango dira:

1. Diru-lagun­tzak, sorospenak eta dohain­tzak.

2. Bere ondasun eta zerbi­tzuen errentak eta emai­tzak.

3. Zerbi­tzuak egiteko edo hiri-hondakinak kudea­tzeko jarduerak gauza­tzeko tasak.

4. Bere eskumenen esparruko isun eta zigorretatik datozenak.

5. Kreditu-eragiketetatik datozenak.

6. Udalek xede nagusiarekin zerikusirik ez duten egindako zerbi­tzuen truke ordaindutako zenbatekoak.

7. Bere ondaretik datozen sarrerak eta zuzenbide pribatuko gainerakoak.

14. artikulua.

Ondorio horietarako, honako arau hauek hartuko dira kontuan:

1. Zerbi­tzuak egiteko edo hiri-hondakinak kudea­tzeko jarduerak gauza­tzeko tasak sarrerek gastuak estal­tzeko moduan kalkulatuko dira.

2. Tasa horiek homogeneoak izango dira mankomunitatea osa­tzen duten udalerri guztietan.

3. Urtean behin hiri-hondakinak kudea­tzeko zerbi­tzuek ekitaldi bakoi­tze­rako izan lezaketen kostuaren azterketa ekonomikoa egin eta onartuko da, kostu hori erabat estal­tzeko aukera emango duten irizpideetan oinarrituta finan­tza­tzeko beharrezkoa den tasa ezar­tzeko asmoz. Azterketak zerbi­tzuaren edo jardueraren kostu osoa osa­tzen duten zuzeneko zein zeharkako gastu guztiak hartuko ditu bere baitan, are finan­tza alorrekoak, ibilgetua amortiza­tze­koak eta kontribuzio bereziek ordain­tzen ez dituzten aplika­tzeko gastu orokorrak ere.



4. Udalerriek mankomunitatearen alde eskuordetutako 1.b) artikuluko zerbi­tzuak haiek finan­tza­tuko dituzte osorik, mankomunitateak dagokien faktura edo likidazioa igorri ondoren. Fakturan mankomunitateak jasandako zuzeneko zein zeharkako gastu guztiak sartuko dira. Zerbi­tzu bera hainbat udalerriri batera egiten zaienean, azterketa bat egingo da udal bakoi­tzak ordaindu beharreko zenbatekoa kalkula­tzeko; zenbateko hori jasotako zerbi­tzu-mailarekiko propor­tzionala izango da.

15. artikulua.

Mankomunitatearen iraupena edo indarraldia mugagabea izango da.

16. artikulua.

1. Mankomunitateko kide den udalerri orok, bere udalba­tza­ren erabakiaren bitartez, estatutuak alda­tzeko eskaera egin dezake. Horretarako, estatutuak alda­tzeko proposamen zeha­tza formulatu beharko du, eta lehendakariak eskaera zuzendari­tza-batzor­deak egiten duen lehen bilkurako gai-zerrendan sartu beharko du, ain­tzat har dadin.

2. Zuzendari­tza-batzor­deak eskaera ain­tzat har­tzen badu, lehendakariak batzor­dearen ohiz kanpoko bilkurarako deialdia egin beharko du. Ain­tzat har­tzen ez badu, alabaina, zuzendari­tza-batzor­deak egiten duen ohiko lehen bilkurako gai-zerrendan sartu beharko du eskaera lehendakariak.

3. Mankomunitateko kideek eskatu beharrik gabe ere, zuzendari­tza-batzor­deak bere kabuz edo lehendakariak eskatuta hartu ahal izango du estatutuak alda­tzeko erabakia.



4. Nolanahi ere, aldaketa onar­tzen bada, erabakia, aldatutako estatutuen proiektuaren testu osoarekin eta Gipuzkoako Foru Aldundiak egindako txos­tenarekin batera, mankomunitateko kide diren udalen iri­tzi­pean jarriko da eta une horretatik aurrera estatutuak onar­tzeko bete ohi den prozedura bera beteko da.

5. Mankomunitatea desegiteko ­antzeko prozedurari jarraituko zaio.

6. Mankomunitateko kideak onar­tzeko eta bereizteko Toki-erakundeetako Biztanleriaren eta Lurralde Mugapenaren Araudiaren 36. artikuluan ezarritakoari jarraituko zaio.

17. artikulua.

Mankomunitatea honako kasu hauetan desegingo da:

1. Legeak xeda­tzen duenean.

2. Zuzendari­tza-batzor­deak hala erabaki eta kide diren udalek berresten dutenean.

3. Bat ez beste kide guztiak bereizten direnean.

18. artikulua.

1. Mankomunitatea desegiten denean bere likidazioari ekingo zaio. Horretarako, zuzendari­tza-batzor­dea likidazio-­batzorde gisa eratuko da obligazioak iraungi arte. Soberakina, hala badagokio, kideak mankomunitatean iraun duten bitartean azken bost urteetan izan duten batez besteko zuzenbideko biztanleriarekiko propor­tzioan banatuko da.

2. ­Antzeko irizpideari jarraituko zaio kideren bat bereizten denean, betiere mankomunitatearen fun­tzionamendu normala erago­tzi gabe egin daitekeen neurrian. Dena den, lortutako soberakinetik kide horrek lortu dituen diru-lagun­tzak eta sarrera finalista guztiak kenduko dira.



XEDAPEN GEHIGARRIA

Lehena: Mankomunitateak estatutu hauen 1. artikuluan adierazitako xedeak bere baitan hartuko dituen barne-araudia onartuko du, baita hondakinak bil­tzeko, garraia­tzeko, trata­tzeko eta ezaba­tzeko zerbi­tzua arautuko duen ordenan­tza ere.



Halaber, estatutu hauen 1. artikuluko 1. atalaren b) letran aurreikusitako zerbi­tzuak egiteko eskuorde­tzea gauza­tzen bada, mankomunitateak dagozkion zerbi­tzuen araudiak onartuko ditu.



Bigarrena: Estatutu hauetan arau­tzen ez den guztian toki-araubidearen alorrean indarrean dagoen ordenamendu orokorrak xeda­tzen duena beteko da.

AZKEN XEDAPENA

Estatutu hauek legezko eran izapidetu ondoren Gipuzkoako Aldizkari Ofizialean argitara­tzen diren egunaren biharamunean jarriko dira indarrean.

Administrazio-bidean behin betikoa den akordio honen aurka administrazioarekiko auzi-errekur­tsoa jarri ahal izango da Euskal Autonomia Erkidegoko Auzitegi Nagusiaren Administrazioarekiko Auzietako Epaitegiaren aurrean, iragarkia argitara­tzen den hurrengo egunetik hasi eta bi hilabeteko epean.

Hala ere, aldez aurreko izaeraz, Udal honen Osoko Bilkuraren aurrean aukerako berrazter­tzeko errekur­tsoa aurkeztu ahal izango da, hilabeteko epean, iragarkia argitaratu eta hurrengo egunetik hasita. Kasu honetan ezingo da administrazioarekiko auzietako helegiterik aurkeztu berrazter­tzeko errekur­tsoa erabaki arte edota presun­tziozko ezespena eman arte.

Hori guztia egoki irizten diren beste edozein errekur­tso jar­tzeko kalterik gabe.

Gaintza, 2006ko abenduaren 13a.—Alkatea.

(113) (12765)